Հիվանդների ստացիոնար բուժումը իրականացվում է Մանկաբուժական 2-րդ բաժանմունքում: Այստեղ հոսպիտալացվում են հետևյալ ալերգոլոգիական/իմունոլոգիական և թոքաբանական խնդիրներով երեխաները. 

• ալերգիկ կոնտակտային դերմատիտ,
• ալերգիկ ռինոկոնյուկտիվիտներ,
• ալերգիա միջատի խայթոցի նկատմամբ,
• անաֆիլաքսիաշ,
• առաջնային իմունոդեֆիցիտներ,
• առաջնային ցիլիար դիսկինեզիաներ,
• ատոպիկ դերմատիտ,
• բրոնխիալ ասթմա,
• դեղորայքային գերզգայունություն,
• թոքերի ինտերստիցիալ հիվանդություններ,
• ժառանգական եւ ոչ ժառանգական անգիոայտուցներ,
• նյարդամկանային հիվանդություններին ուղեկցող շնչառական խանգարումներ,
• սննդային ալերգիաներ,
• սուր եւ քրոնիկ եղնջացաներ,
• ցիստիկ ֆիբրոզ,
• այլ ավելի հազվադեպ հանդիպող հիվանդություններ:

Մինչև 18 տարեկան ՀՀ քաղաքացիների և պոլիկլինիկաներում կցագրված անձանց ստացիոնար բուժումը իրականացվում է պետպատվերի շրջանակներում, անհրաժեշտ փաստաթղթերն են.

• ուղեգիր տեղամասային մանկաբույժի կողմից կամ շտապ ցուցումներով ուղեգիր,
• երեխայի ծննդյան վկայական, 
• ծնողներից որևէ մեկի անձնագիր:

18 տարեկանից մեծ ՀՀ քաղաքացիների ստացիոնար բուժումը իրականացվում է վճարովի հիմունքներով պլանային կարգով։

Օտարերկրյա քաղաքացիների համար ստացիոնար բուժումը իրականացվում է վճարովի հիմունքներով։