Առողջապահության համաշխարհային կազմակերպության համագործակցող կենտրոն
Առողջապահության համաշխարհային կազմակերպության համագործակցող կենտրոն

Առողջապահության համաշխարհային կազմակերպությունը «Արաբկիր» բժշկական համալիր-երեխաների եւ դեռահասների առողջության ինստիտուտին շնորհել է ԱՀԿ համագործակցող կենտրոնի ( WHO collaborating centre ) կարգավիճակ:



Առողջապահության համաշխարհային կազմակերպության համագործակցող կենտրոնները  հիմնականում գիտահետազոտական ինստիտուտներ են, համալսարանների եւ ակադեմիաների բաժիններ, որոնք աշխատում են ԱՀԿ-ի հետ` առողջապահական ոլորտի ամենատարբեր ուղղություններով:

«Արաբկիր» բժշկական համալիր-երեխաների եւ դեռահասների առողջության ինստիտուտին ԱՀԿ համագործակցող կենտրոնի կարգավիճակ շնորհվվել է երեխաների եւ դեռահասների առողջության ոլորտում տարիներ շարունակ արդյունավետ գործունեություն ծավալելու համար: Ծրագրերը բազմաթիվ են, որոնք ուղղված են.
•    երեխաների զարգացմանն ու վերականգնողական ծառայությունների ներդրմանը,
•    դեռահասների եւ դպրոցահասակների առողջությանը,
•    մանկաբուժական օգնության որակի բարելավմանը: 


Բոլոր ծրագրերն իրականացվում են ՀՀ Առողջապահության նախարարության ռազմավարական առաջնայնությունների շրջանակներում: 


Երեխաների եւ դեռահասների առողջության ոլորտում ԱՀԿ համագործակցող կենտրոնի կարգավիճակ ունեն 8 երկրների (Մեծ Բրիտանիա, Ֆրանսիա, Շվեյցարիա, Գերմանիա, Իտալիա, Իռլանդիա, Նորվեգիա, Ռուսաստան) հաստատություններ: 
 

Կիսվել Facebook-ում
Առողջության մասին
Պրոֆեսոր Քրիստիան Բրեգերը կրկին «Արաբկիր» ԲԿ-ում
Պրոֆեսոր Քրիստիան Բրեգերը կրկին «Արաբկիր» բժշկական համալիրում էր` գաստրոէնտերոլոգիական եւ էնդոսկոպիկ ծառայությունների հետ շարունակական համագործակցության շրջանակում:   Ցյուրիխի համալսարանական մանկական հիվանդանոցում որպես գաստրոէնտերոլոգիայի եւ սննդաբանության ծառայության ղեկավար երկարամյա փորձառություն ունեցող պրոֆեսորը մի շարք խնդրահարույց կլինիկական դեպքերի խորհրդատվական քննարկումներ է անցկացրել ինչպես «Արաբկիրի» գործընկերների, այնպես էլ այլ բժշկական հաստատությունների մասնակիցների հետ։   Պրոֆեսորի անմիջական դիտարկմամբ իրականացվել են մի շարք էնդոսկոպիկ միջամտություններ` գաստրոսկոպիա եւ կոլոնոսկոպիա բազմաստիճան բիոպսիաներով, ինչպես նաեւ միջմաշկային էնդոսկոպիկ գաստրոստոմայի` PEG-ի տեղադրումներ նյարդաբանական խանգարումներով երեխաների, որոնք ունեն կլման ակտի, այդպիսով եւ սնուցման լուրջ դժվարություններ:   Այցի շրջանակում Քրիստիան Բրեգերը հանդիպել եւ համագործակցության նոր գաղափարներ է քննարկել նաեւ «Արաբկիր» բժշկական համալիրի գիտական ղեկավար, պրոֆեսոր Արա Բաբլոյանի հետ: #arabkirmc #gastroenterology #գաստրոէնտերոլոգիա #endoscopy
Բարի տարեդարձ, Աշոտ Վարոսի
‼️🎉«Արաբկիր» բժշկական համալիրի հենասյունային ծառայություններից մեկի` ինտենսիվ թերապիայի եւ վերակենդանացման ծառայության ղեկավար Աշոտ Վարոսի Գյուլբուդաղյանի 70-ամյակն է: Մասնագետ, որի նվիրական աշխատանքի շնորհիվ տասնամյակներ շարունակ հազարավոր երեխաների կյանքեր են փրկվել` բառի ամենաբուն իմաստով, մարդ, որի սրտացավության ու կարեկցանքի շնորհիվ սփոփվել են անգամ ամենածանր վիճակում հայտնված ծնողներն ու խաղաղվել նրանց մտքերը:    Շնորհավորում ենք, սիրելի Աշոտ Վարոսի, Ձեր ներդրումն անգնահատելի է, անչափելի` ոչ միայն մեր համալիրի, այլեւ ամբողջ հանրապետության մասշտաբով: Առողջություն, անսահման սեր եւ արեւշատություն ենք մաղթում Ձեզ եւ Ձեր ընտանիքին ❤️   Աշխատանքն «ինտենսիվ թերապիայում» ինտենսիվ է, նկարահանումները` ճիշտ հակառակը: Այդ պատճառով առաջարկում ենք մեկ անգամ եւս դիտել Հանրային հեռուստաընկերության` ավելի վաղ պատրաստած տեսանյութերից մեկը` գյուղատնտեսական թունաքիմիկատից երեխայի ծայրահեղ ծանր թունավորման մասին: Մեկ անգամ եւս դիտեք, լսեք վաստակաշատ բժիշկ Աշոտ Գյուլբուդաղյանի խորհուրդները, սիրելի ծնողներ, եւ աչալուրջ եղեք երեխաների առողջության նկատմամբ: