Ռևմատոլոգիական հիվանդություններով կամ հիվանդության կասկածով մինչև 18 տարեկան երեխաները հոսպիտալացվում են «Արաբկիր» ԲՀ-ԵԴԱԻ-ի ռևմատոլոգիական բաժանմունքում:
Ստացիոնարում հետազոտվում և բուժում են ստանում տարեկան շուրջ 600 պացիենտներ։ Ծառայության ղեկավարը, բժիշկները և կլինիկական օրդինատորները կանոնավոր ձևով կատարում են ամենօրյա կլինիկական համայցներ: Անհրաժեշտության դեպքում կազմակերպվում են «Արաբկիր» ԲՀ ԵԴԱԻ մանկաբուժական ծրագրերի ղեկավար, նեֆրոլոգ, պրոֆեսոր Աշոտ Ալեքսանդրի Սարգսյանի և այլ նեղ մասնագետների խորհրդատվություններ: Ծառայության մասնագետները կատարում են նաև խորհրդատվություններ «Արաբկիր» ԲՀ ԵԴԱԻ-ի այլ բաժանմունքներում:
Ըստ անհրաժեշտության իրականացվում են ներհոդային ներարկումներ մանր և խոշոր հոդերում՝ տեղային կամ ընդհանուր անզգայացմամբ։
Ռևմատոլոգիական բաժանմունքում պացիենտների վարմանը մասնակցում են մանկաբուժության կլինիկական օրդինատորները՝ համաձայն իրենց կրթական ծրագրի։