Մաշկաբանական ծառայություն
Մաշկաբանական խնդիրների մեծամասնության դեպքում բուժումն ու ախտորոշումն իրականացվում են արտահիվանդանոցային պայմաններում: Բացի խորհրդատվություններից, մաշկաբանները կատարում են նաև որոշակի միջամտություններ` հատուկ նախատեսված միջամտության սենյակում:
«Արաբկիր» ԲՀ-ում կատարվում են հետևյալ միջամտությունները.
- մոլյուսկների, գորտնուկների և այլ բարորակ նորագոյացությունների հեռացում տարբեր եղանակներով՝ կյուրետաժ, էլեկտրոկոագուլյացիա, կրիոթերապիա, լազեր: Հեռացման եղանակը ընտրում է մաշկաբանը` կախված գոյացության տեղակայումից, քանակից, երեխայի տարիքից, և այլն,
- մաշկի ախտորոշիչ punch բիոպսիա, տեղային անզգայացման տակ,
- մաշկի բիոպսիա` հետագա հյուսվածաբանական հետազոտությամբ, երբ ախտորոշումը հնարավոր չէ դնել կլինիկորեն և լաբորատոր հետազոտությունների հիման վրա,
- լազերային և էսթետիկ բուժում «Արաբկիր+» մասնաշենքում
Արտահիվանդանոցային ծառայությունից կարող են օգտվել նաև մեծահասակները:
Անհրաժեշտության դեպքում ախտորոշումը և բուժումը կատարվում է հիվանդանոցային պայմաններում:
«Արաբկիր» ԲՀ-ն, լինելով բազմապրոֆիլ մանկական հիվանդանոց, հնարավորություն է տալիս կատարել տարբեր նեղ մասնագետների խորհրդատվություններ և հիվանդի վարումը իրականացնել թիմային: