Երիտասարդ բժիշկների և ռեզիդենտների խորհուրդ
Երիտասարդ բժիշկների և ռեզիդենտների խորհուրդ

«Արաբկիր» ԲՀ-ի աշխատանքի կարևոր սկզբունքներից են գտնել ճանապարհներ և ապահովել պայմաններ` երիտասարդ բժիշկների կրթության ու առաջընթացի համար: Հենց այդ նպատակով է 2014թ-ին ստեղծվել Երիտասարդ բժիշկների և ռեզիդենտների խորհուրդը` AYPA-ն՝ «Արաբկիր» ԲՀ-ԵԴԱԻ գիտական ղեկավար, պրոֆեսոր Արա Բաբլոյանի, բժշկական  տնօրեն, բ.գ.թ. Նինա Արիկյանցի, մանկաբուժական ծրագրերի ղեկավար, պրոֆեսր Աշոտ Սարգսյանի, նյարդաբանական ծառայության ղեկավար, բ.գ.թ. Բիայնա Սուխուդյանի և կլինիկական օրդինատոր Կարինե Մարտիրոսյանի նախաձեռնությամբ:


AYPA-ն գիտակրթական կազմակերպություն է, որի նպատակն է ապահովել բժշկական կրթության շարունակականությունը հոսպիտալային պայմաններում, ստեղծել տեղեկատվական բազմակողմանի կապեր՝ ներհիվանդանոցային և արտահիվանդանոցային օղակների միջև, ինչպես նաև նպաստել «Արաբկիր» ԲՀ-ի բժշկական և կազմակերպչական ծառայությունների բարելավմանը։

 

Կազմակերպությունն ունի խորհուրդ՝ 9 անդամներով:

 

Գործունեության հիմնական ուղղություններն են. 

  • կլինիկական օրդինատորների ակումբը,
  • զեկույցների և դասախոսությունների կազմակերպումը,
  • «ուշագրավ դեպքերի» ամենամյա քննարկումը,
  • նեղ մասնագետների հետ ուսուցողական ակտիվությունների ապահովումը,
  • բժիշկների ժամանցային ակտիվությունների ապահովումը:

Նախագահ` Էլիզա Առաքելյան մանկաբույժ, մինչև 1 տարեկանների բաժանմունք

Քարտուղար` Դիանա Ոսկանյան, կլինիկական օրդինատոր, մանկական նեֆրոլոգիայիա

Խորհուրդ 
1. Աննա Առաքելյան մանկաբույժ, մինչև 1 տարեկանների բաժանմունք
2. Լիա Անդրեասյան մանկաբույժ, բոքսային բաժանմունք
3. Հասմիկ Բարսեղյան մանկական վիրաբույժ, ուրո-վիրաբուժական բաժանմունք
4. Մարիամ Ղարաբաղցյան մանկաբույժ, թոքաբանական բաժանմունք
5. Նվարդ Տեր-Ոսկանյան զարգացման մանկաբույժ, «ԱրԲեՍ» ԱԿ
6. Գարունիկ Էքսուզյան մանկաբույժ, ընդունարանի կրտսեր հերթապահ, կլինիկական օրդինատոր, մանկական ռևմատոլոգիա  
7. Աստղիկ Միրզախանյան կլինիկական օրդինատոր, մանկաբուժություն, ԱԲԲ
8. Արևիկ Չալյան կլինիկական օրդինատոր, մանկաբուժություն, ընդունարանի կրտսեր հերթապահ
9. Մանե Թադևոսյան կլինիկական օրդինատոր, մանկական նյարդաբանություն

Կիսվել Facebook-ում
Առողջության մասին
Շնորհակալական նամակ Բելառուսի դեսպանին
«Արաբկիր» բժշկական համալիրի գիտական ղեկավար, պրոֆեսոր Արա Բաբլոյանը շնորհակալական նամակ է հղել Հայաստանում Բելառուսի Հանրապետության դեսպան պարոն Ալեքսանդր Կոնյուկին` եւս մեկ երեխայի կյանքի փրկության կարեւոր գործում բելառուս մեր գործընկերների մեծ աջակցության համար:   Շնորհակալ ենք նաեւ մեր հավատարիմ բարեկամին` Հայաստանի երեխաների առողջության հիմնադրամին` երեխայի վիրահատության, Մինսկ գնալ-վերադառնալու հարցերում ցուցաբերած աջակցության համար։   Մեծարգո պարոն դեսպան, ընդունեք մեր երախտիքի խոսքը` եւս մեկ երեխայի կյանքի փրկության կարեւոր գործում բելառուս մեր գործընկերների մեծ աջակցության համար: Խոսքը 14-ամյա տղայի` Խաչինյան Ռաֆայելի մասին է: Նա ծնվել է 2008թ-ին` լյարդի բնածին ֆիբրոզով, եւ տարիների ընթացքում անհրաժեշտություն է ծագել լյարդի փոխպատվաստման, որը հանդիսանում է այդ խնդրի լուծման միակ մեթոդը: Փոխպատվաստումն իրականացվել է 2023թ-ի հունվարի 31-ին, Երեւանում` «Արաբկիր» բժշկական համալիր-երեխաների եւ դեռահասների առողջության ինստիտուտի եւ Մինսկի վիրաբուժության, տրանսպլանտոլոգիայի եւ արյունաբանության գիտա-պրակտիկ կենտրոնի բժիշկների համատեղ ջանքերով` պրոֆեսոր Օլեգ Օլեգի Ռումմոյի ղեկավարությամբ: Վիրահատությունն անցել է հաջող, սակայն հետվիրահատական շրջանն ընթացել է ալիքաձեւ` երկու կրիզիսային դրվագով. երեխայի մոտ սկսվել էր փոխպատվաստված օրգանի սուր արտավանում: Առաջին դրվագում խնդիրը կարգավորվել է կոնսերվատիվ ընդունված միջոցներով, սակայն երկրորդ էպիզոդում դա հնարավոր չի եղել, ինչն էլ պատճառ է դարձել երկու կլինիկաների մասնագետների համատեղ որոշման` երեխային տեղափոխել Մինսկ` հետագա հետազոտման եւ բուժման նպատակով: Երեխան Մինսկ է տեղափոխվել մարտի 11-ին եւ վերադարձել մարտի 24-ին` առողջության կայունացած վիճակում: Այս դեպքը ոչ միայն մասնագիտական հզոր կարողությունների, այլեւ մեծ մարդասիրության, բարեսրտության, առողջ ու ազնիվ համագործակցության արդյունքների մասին է: Շնորհակալ ենք մեր փոքրիկ հայրենակցին, նրա ընտանիքին եւ, իհարկե, մեզ` որպես լյարդի փոխպատվաստման սկսնակ կլինիկայի մասնագետներ, մենակ չթողնելու համար: Ցանկանում ենք նշել նաեւ, որ ավիատոմսերի հարցում էլ մեծ աջակցություն է ցուցաբերել բելառուսական «Բելավիա» ընկերությունը, ինչի համար նույնպես խորապես շնորհակալ ենք: Հարգանքով` Արա Բաբլոյան Պրոֆեսոր, «Արաբկիր» ԲՀ-ԵԴԱԻ գիտական ղեկավար  
Մարտի 26. Էպիլեպսիա. Մանուշակագույն օր
Այսօր մարտի 26-ն է՝ էպիլեպսիայի մասին իրազեկման կամ ինչպես ընդունված է ասել՝ Մանուշակագույն օրը: Աշխարհում մոտ 50 մլն մարդ էպիլեպսիա ունի: Սա խնդիր է, բայց ոչ դատավճիռ: Ժամանակակից բժշկագիտությունն արդյունավետ առաջարկներ ունի էպիլեպսիա ունեցող մարդկանց՝ դեղորայքային, վիրաբուժական, անգամ՝ կենսակերպային: «Արաբկիր» բժշկական համալիրի նյարդաբանների եւ նյարդավիրաբույժների թիմը Հայաստան է բերում արդի էպիլեպտոլոգիայի բոլոր նորություններն ու պացիենտների կողքին է՝ բուժման ամենաարդյունավետ մեթոդներով: «Արաբկիրում» է գործում մանկական էպիլեպսիայի դիսպանսերը, որտեղ գրանցված է 0-18 տարեկան 3600-ից ավել պացիենտ: Նրանց մեծամասնությունը ստանում է դեղորայքային բուժում, որոշներին ցուցվում է վիրահատությունը, ինչն արդեն նույնպես հնարավոր է մեր բժշկական համալիրում: Այս անգամ էպիլեպսիայի մասին ամենահաճախ հնչող հարցերի պատասխանները լսեք մեծահասակների նյարդաբան Լուսինե Վարդանյանից, եղեք տեղեկացված եւ դրսեւորեք ճիշտ վարքագիծ, եթե ձեր կողքի մարդու մոտ էպիլեպտիկ ցնցումներ են սկսվում: