2005թ-ից Հայաստանում առաջին անգամ սկիզբ է դրվել բնածին հիպոթիրիոզի նորածնային սկրինինգի ծրագիրը, որի շրջանակներում հետազոտություններն իրականացվում են «Արաբկիր» բժշկական համալիրի լաբորատոր ծառայության նորածնային սկրինինգի բաժնում: Ծրագիրը նպատակ ունի վաղ հայտնաբերել հիվանդությունը նորածինների մոտ և պարզ բուժման միջոցով ապահովել երեխայի նորմալ աճն ու զարգացումը:

Այս ծրագրին հաջորդեց ֆենիլկետոնուրիայի սկրինիգի իրականացումը, ինչը թույլ տվեց նորածինների մոտ վաղ հայտնաբերել ժառանգական այս հիվանդությունը և սննդակարգի միջոցով կանխել հիվանդության զարգացման բացասական հետևանքները:

Այս երկու հետազոտություններն իրականացվում են ՀՀ-ում ծնված բոլոր նորածինների մոտ: Հաստատված ախտորոշմամբ երեխաները ներառվում են դիսպանսեր հսկողության ծառայության ցուցակներում եւ մինչև 18 տարեկանը հսկվում «Արաբկիր» ԲՀ -ի և «Մուրացան» ԲԿ-ի մասնագետների կողմից: