Սիրելի բուժքույրեր, բաց մի թողեք շարունակական մասնագիտական զարգացման հնարավորությունը` «Բուժքույրերի եւ թերապիստների գերազանցության կենտրոնի» հետ: Այս դասընթացին մինչեւ մարտի 10-ը գրանցվելու դեպքում գնային առավելություն կստանաք:

Երեխաների երկաթ-դեֆիցիտային սակավարյունության մասին #OPENFamilyEducation-ի շրջանակում խոսել է Արաբկիր բժշկական համալիրի մանկաբույժներից Թամարա Չաղարյանը: Լսեք, ուշադիր եղեք, իմացեք սակավարյունության նշանների եւ դրսեւորումների մասին եւ սպասեք բժշկուհու հաջորդ հոլովակին` իմանալու համար, թե ինչ պետք է անել նման դեպքերում:

Ի պատասխան «Արաբկիր» բժշկական համալիրին կից գործող հանրապետական մանկական պաթանատոմիական կենտրոնի վերաբերյալ հնչեցված որոշ անհիմն եւ սխալ տեղեկությունների` համալիրի տնօրինությունը տեղեկացնում է, որ պաթանատոմիական կենտրոնում մանկական դեպքերը սպասարկվում են ամբողջությամբ անվճար հիմունքներով եւ կենտրոնին կից գործող հոգեհանգստի սրահում մինչ օրս չի կատարվել մանկական հոգեհանգստի կամ թաղման որեւիցե արարողություն:

35 տարի 39 ծրագիր, հազարավոր երեխաների փրկված ու վերականգնված կյանքեր, Հիպոկրատի մշտապես արդիական երդում, կրոն, հավատք եւ բժշկություն, բազմաթիվ պարգեւներ ու պատվոգրեր, Շառլ Ազնավուրի հետ բարեկամություն եւ գործընկերություն, դեռհասների առողջության արդի խնդիներ եւ  առույգ ու առողջ մնալու բանաձեւ. Հանրային հեռուստաընկերութան «Չքաղաքականացնել» հաղորդաշարն այցելել էր պրոֆեսոր Արա Բաբլոյանին: