«Ավելի քան 10 տարի «Արաբկիր» բժշկական համալիրի հետ համագործակցությունը մեզ հնարավորություն է տվել Հայաստանում զարգացնելու մանկական ալերգոլոգիան և իմունոլոգիան»,- այսօր «Արաբկիր» բժշկական համալիրում կայացած «Հայաստանում ալերգոլոգիական օգնության զարգացում» խորագիրը կրող սիմպոզիումի ժամանակ նշել է շվեյցարացի պրոֆեսոր Ֆիլիպ Այգենմանը։ Այն նվիրված էր Հայաստանում ալերգոլոգիական օգնության զարգացմանը, ալերգեն սպեցիֆիկ իմունաթերապիայի նորություններին, անաֆիլաքսիայի ժամանակին ճանաչմանն ու վարմանը, ինչպես նաև անգիոայտուցի տարբերակիչ ախտորոշմանը։  Սիմպոզիումին ներկա էր նաև շվեյցարացի պրոֆեսոր Ֆիլիպ Այգենմանը, ով ներկայացրեց նաև անաֆիլաքսիայի վարման նորարարական մոտեցումները։  «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

«Արաբկիր» բժշկական համալիրի գլխավոր հաշվապահ Սուսաննա Գևորգյանը Հայաստանի աուդիտորների և փորձագետ հաշվապահների պալատի կողմից ստացել է փորձագետ հաշվապահի որակավորում։Սիրելի՛ գործընկեր,ջերմորեն շնորհավորում ենք Ձեզ։ Մաղթում ենք շարունակական հաջողություններ, մասնագիտական նոր ձեռքբերումներ և բեղմնավոր գործունեություն։ Թող այս կարևոր ձեռքբերումը դառնա նոր հաջողությունների և նվաճումների սկիզբ։Հարգանքով՝ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

«Արաբկիր» ԲՀ գիտական ղեկավար Արա Բաբլոյանը, ողջունելով հյուրերին, ներկայացրեց բուժհաստատության գործունեությունը, զարգացման ուղին և միջազգային համագործակցության կարևորությունը։ Հյուրերը շրջեցին բժշկական կենտրոնում, ծանոթացան բաժանմունքների աշխատանքին, մաշկաբանական ծառայության հնարավորություններին։ Հանդիպման ընթացքում քննարկվեցին մասնագիտական համագործակցության և համատեղ ծրագրերի իրականացման հնարավորությունները։«ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Մաշկային խնդիրներ ունեցող մարդկանց աջակցելու, մասնագիտական փորձի փոխանակման և միջազգային գործընկերային կապերի ամրապնդման նպատակով Հայաստան էին ժամանել մաշկաբաններ աշխարհի տարբեր երկրներից։Մանկական մաշկաբանության միջազգային գիտաժողովը մեկ հարկի տակ էր համախմբել ոլորտի առաջատար մասնագետներին՝ ստեղծելով գիտելիքի, փորձի փոխանակման կարևոր հարթակ։ Գիտաժողովին ելույթ ունեցան հայ, բրիտանացի մաշկաբանները, ինչպես նաև ֆրանսահայ մաշկաբան-գենետիկ պրոֆեսոր Ալան Հովնանյանը։ «Արաբկիր» բժշկական համալիրի մաշկաբանական ծառայության ղեկավար Արմինե Ադիլխանյանի զեկուցումը նվիրված էր երեխաների շրջանում հանդիպող բշտային հիվանդություններին, դրանց ախտորոշման և վարման սկզբունքներին։ Առանձնահատուկ ուշադրություն էր դարձվել աուտոիմուն և ժառանգական բշտախտներին։ Գիտաժողովը նպաստելու է առավել արդյունավետ, ժամանակակից բուժօգնության կազմակերպմանը։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

Աշխարհի տարբեր երկրներից նյարդաբանության, նեյրովիրաբուժության, անեսթեզիոլոգիայի և ռադիոլոգիայի ոլորտների առաջատար մասնագետները հավաքվել էին Հայաստանում՝ քննարկելու էպիլեպսիայի ախտորոշման և բուժման ժամանակակից մեթոդները։Պրոֆեսոր Էդգար Հովսեփյանի անվան 4-րդ կլինիկական նյարդաբանության գիտաժողովն անցկացվեց բազմամոդալ կրթական ձևաչափով՝ համադրելով տեսական գիտելիքը, կլինիկական փորձը և տեսանյութերի վրա հիմնված ուսուցումը։ «Արաբկիր» բժշկական համալիրի նյարդաբանության և էպիլեպտոլոգիայի ծառայության ղեկավար Բիայնա Սուխուդյանը ներկայացրեց ԷԷԳ-ի դերը էպիլեպսիայի ախտորոշման գործընթացում՝ ընդգծելով ժամանակակից հետազոտական մեթոդների կարևորությունը հիվանդության վաղ հայտնաբերման և արդյունավետ բուժման կազմակերպման հարցում։  Գիտաժողովը կարևոր հարթակ դարձավ մասնագիտական համագործակցության ամրապնդման համար։  «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

Հայաստանում ալերգոլոգիական օգնության զարգացում․ Ալերգեն սպեցիֆիկ իմունաթերապիա, անաֆիլաքսիայի և անգիոայտուցի տարբերակիչ ախտորոշում Հարգելի՛ գործընկերներ, սիրով հրավիրում ենք մասնակցելու գիտական սիմպոզիումի, որը նվիրված է Հայաստանում ալերգոլոգիական օգնության զարգացմանը, ալերգեն սպեցիֆիկ իմունաթերապիայի նորություններին, անաֆիլաքսիայի ժամանակին ճանաչմանն ու վարմանը, ինչպես նաև անգիոայտուցի տարբերակիչ ախտորոշմանը։ Միջոցառումը կազմակերպվում է Մանկական բժիշկների հայկական ասոցիացիայի Մանկական շնչառական բժշկության և ալերգոլոգիա/իմունոլոգիայի սեկցիայի և «Արաբկիր» ԲՀ-ԵԴԱԻ համանուն ծառայության կողմից։ Սիմպոզիումի շրջանակում տեղի կունենա նաև կարևոր մասնագիտական հայտարարություն՝ Մոլեկուլային ալերգոլոգիայի ասոցիացիայի միացումը Շնչառական կոալիցիային, ինչը նոր հնարավորություն է ստեղծում Հայաստանում ալերգոլոգիայի, իմունոլոգիայի և շնչառական բժշկության ոլորտների համագործակցության համար։ Բանախոսներ՝Պրոֆ. Ֆիլիպ Այգենման, Պրոֆ. Սերգեյ Սարգսյան, Դր. Սոնա Հարությունյան, Պրոֆ. Մարինե Պետրոսյան, Դր. Սևան Իրիցյան, Դր. Աստղիկ Բաղդասարյան, Դր. Արմինե Հակոբյան։ Թիրախային լսարան՝ Ալերգոլոգներ և կլինիկանան իմունոլոգներ, մանկական ալերգոլոգներ և կլինիկանան իմունոլոգներ, մանկաբույժներ, ընտանեկան բժիշկներ, թերապևտներ, թոքաբաններ, մանկական թոքաբաններ, քիթ-կոկորդ-ականջաբաններ, մանկական քիթ-կոկորդ-ականջաբաններ, անեսթեզիոլոգներ և ինտենսիվ թերապիայի մասնագետներ, մանկական անեսթեզիոլոգներ ու ինտենսիվ թերապիայի մասնագետներ, մաշկասեռավարակաբան, մանկական մաշկասեռավարակաբան, անհետաձգելի օգնության բժիշկներ, մանկական անհետաձգելի օգնության բժիշկներ, լաբորատոր բժիշկներ։ 28․05․2026  9:30-16:30 «Արաբկիր» ԲՀ-ԵԴԱԻ կոնֆերանս դահլիճ  Սիրով սպասում ենք ձեզ՝ միասին քննարկելու Հայաստանում ալերգոլոգիական օգնության ժամանակակից, անվտանգ և համակարգված զարգացման ուղիները

Հարգելի՛ գործընկերներ, շնորհավորում ենք ձեզ մասնագիտական տոնի առթիվ։ Մաղթում ենք քաջառողջություն, մասնագիտական նոր ձեռքբերումներ։Թող ձեր ամենօրյա աշխատանքը շարունակի մարդկանց վերադարձնել առողջությունը, շարժման ազատությունն ու կյանքի լիարժեք որակը։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Սիրելի՜ Հրայր,ջերմորեն շնորհավորում եմ ծննդյանդ օրվա առթիվ։ Քաջառողջություն, անսպառ ուժ և նորանոր հաջողություններ եմ մաղթում պատասխանատու և ազգանվեր առաքելությանդ մեջ։ Եղի՜ր առողջ և շարունակի՜ր կուտակածդ գիտելիքն ու փորձառությունը ծառայեցնել ի նպաստ մարդկանց առողջության պահպանման և բժշկության զարգացման կարևորագույն գործին։ Դու այն եզակի անհատներից ես, որ Հայաստանի համար ամենածանր տարիներին եկան Հայաստան և իրենց ողջ փորձն ու հմտությունները ծառայեցրին ի նպաստ հայրենիքի և առողջապահության ոլորտի զարգացման։ Եվ հենց այդ տարիներին հիմք դրվեց մեր ամուր ընկերությանը և ջերմ բարեկամությանը, որ, հպարտությամբ պետք է նշեմ, արդեն 33 տարի շարունակվում է։ Խաղաղություն, բարօրություն, երջանիկ ու լուսավոր օրեր քեզ և քո ընտանիքին։ Հարգանքով՝ Արա Բաբլոյան«Արաբկիր» բժշկական համալիրի կառավարման խորհրդի նախագահ, գիտական ղեկավար 

Բուժքույրերի մասնագիտական աշխատանքը առողջապահության կարևորագույն հենասյուներից է։ Շնորհավորում ենք բոլոր բուժքույրերին մասնագիտական օրվա առթիվ՝ մաղթելով առողջություն, մասնագիտական հաջողություններ և աշխատանքային խաղաղ օրեր։ Շնորհակալություն ձեր կարևոր և պատասխանատու աշխատանքի համար։«ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

Ինչպե՞ս ճիշտ վերլուծել համակարգում գրանցված տվյալները։ Կա՞ արդյոք անհրաժեշտություն երեխայի ինսուլինի դոզան փոխելու։ Ծնողներին հուզող հարցերին պատասխանում է «Արաբկիր» բժշկական համալիրի էնդոկրինոլոգ Լուսինե Նավասարդյանը։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

«Եղիր առողջ» նախագծի հյուրն է «Արաբկիր» ԲՀ-ԵԴԱԻ դպրոցահասակ երեխաների և դեռահասների քաշի վերահսկման ծառայության համակարգող, մանկաբույժ Մարինա Մելքումովան։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

«Արաբկիր» բժշկական համալիրի կառավարման խորհրդի նախագահ, գիտական ղեկավար, բժշկագիտության նվիրյալ, պրոֆեսոր Արա Բաբլոյանն այսօր նշում է իր ծննդյան տարեդարձը։Հարգելի՛ պարոն Բաբլոյան, Ջերմորեն շնորհավորում ենք Ձեզ։ Ձեր գիտական միտքը, մասնագիտական փորձառությունն ու մարդկային նվիրումը տարիներ շարունակ ծառայել են առողջապահության զարգացմանը, բժշկական գիտության առաջընթացին և հասարակության բարօրությանը։ Թող Ձեր հարուստ գիտելիքը, անսպառ փորձն ու նվիրումը շարունակեն լուսավորել բժշկության ճանապարհը՝ նպաստելով նոր հաջողությունների, նախաձեռնությունների և առողջապահական համակարգի զարգացմանը։ Մաղթում ենք Ձեզ քաջառողջություն, անսպառ եռանդ, երկարամյա բեղուն գործունեություն և նորանոր ձեռքբերումներ Ձեր բարձրարժեք և պատասխանատու առաքելության մեջ։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Աորտայի աղեղի անոմալիաները ավելի հաճախ երեխաների մոտ հանդիպող ախտորոշում են։ «Արաբկիր» բժշկական համալիրի ճառագայթային ախտորոշիչ ծառայության ղեկավար Մարինե Գրիգորյանը մանկական և կրծքավանդակի ռադիոլոգիային նվիրված գիտաժողովի ընթացքում անդրադարձել է այս խնդրին՝ ներկայացնելով ժամանակակից ախտորոշման մոտեցումները, կլինիկական առանձնահատկությունները և «Արաբկիր» ԲՀ-ում հանդիպած պրակտիկան։ Ռադիոլոգների հայկական ասոցիացիայի նախաձեռնությամբ ս.թ. մայիսի 1-2-ը Գյումրիում տեղի է ունեցել ֆրանս-հայկական երրորդ համաժողովը, որի շրջանակում ելույթ են ունեցել բժիշկ-ռադիոլոգներ Ֆրանսիայից և Հայաստանի բժշկական տարբեր հաստատություններից։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

​Շնորհավորում ենք ​«Արաբկիր» բժշկական համալիրի լաբորատոր-ախտորոշիչ ծառայության բոլոր աշխատակիցներին՝ մաղթելով առողջություն, անսպառ եռանդ և մասնագիտական նորանոր ձեռքբերումներ։ Ձեր աշխատանքն անգնահատելի է։«ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Անդրանիկը «Արաբկիր» բժշկական համալիրի պացիենտներից է։ Տասնամյակներ առաջ Արա Բաբլոյանը վիրահատում է փոքրիկ տղային և խաղալիք նվիրում։ 30 տարի անց Անդրանիկի առողջության պատասխանատվությունը իր վրա է վերցնում Սերգեյ Բաբլոյանը և կատարում երիկամի փոխպատվաստում։ Հետվիրահատական հերթական այցերից մեկի ժամանակ Անդրանիկը, ի նշան երախտագիտության իր կյանքը փրկած հայր և որդի Բաբլոյաններին, իր հետ «Արաբկիր» բժշկական համալիր է բերում այն խաղալիքը, որը իրեն նվիրել էր Արա Բաբլոյանը 1991 թվականին։ Սերունդների համագործակցությունը մի կարևոր նպատակ ունի՝ կերտելու առողջ հասարակություն և շարունակելու լինել առողջության վստահելի գործընկեր։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Վերջույթների դողն ու կարկամությունը, ինչպես նաև քնի, խոսքի, քայլվածքի և մարսողության խանգարումները կարող են հուշել այդ հիվանդության առկայության մասին։ Նյարդավիրաբույժ Նիկո Արզումանյանը խոսել է Պարկինսոնի հիվանդության` «Արաբկիր» բժշկական համալիրում իրականացվող վիրահատական բուժման մասին և ոչ միայն։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

Բժշկական օգնության շարունակականության ապահովումը, հատկապես քրոնիկ հիվանդություններ ունեցող երեխաների համար ժամանակակից առողջապահության կարևոր մարտահրավերներից է: Այս ուղղությամբ Հայաստանում գաստրոէնտերոլոգիայի ոլորտում տարվող աշխատանքները ESPAGHAN-ի (Մանկական գաստրոէնտերոլոգիայի, լյարդաբանության և սնուցման եվրոպական միության) հետ ընթացքի մեջ են: Հիշեցնենք, որ 2025 թվականի հոկտեմբերին Մանկական բժիշկների հայկական ասոցիացիայի ներքո ստեղծվել էր մանկական գաստրոէնտերոլոգիայի և լյարդաբանության ստորաբաժանմունքը, որը միավորում է հանրապետության մանկական գաստրոէնտերոլոգ, էնդոսկոպիստ և լյարդաբան 17 մասնագետների: 2025թ. դեկտեմբեր ամսին Հայաստանի մանկաբույժների ասոցիացիայի կողմից կազմակերպվեց մանկական չորս և մեծահասակների երրորդային մակարդակի բԺշկական հինգ կենտրոնների գաստրոէնտերոլոգների առաջին հանդիպումը, որի ժամանակ ներկայացվեցին, քննարկվեցին և տարածվեցին ESPAGHAN-ի վերը նշված արշավի մասնագիտական նյութերը` թարգմանված հայերեն:«Բժշկական օգնության նոր տեսակի անցում» արշավը փետրվար և մարտ ամիսներին շարունակվում էր: Արշավի առանցքային ձեռքբերումներից է մանկական և մեծահասակների գաստրոէնտերոլոգների միջև սկսված համագործակցությունը: Փետրվար և մարտ ամիսներին ESPAGHAN-ի ուղեցույցների ներկայացումը և տարածումը (տպագիր և էլեկտրոնային տարբերակներով) շարունակվեց Երևան քաղաքի բժշկական տարբեր կենտրոնների գաստրոէնտերոլոգիական բաժանմունքներում` ընդգրկելով մասնագիտական ավելի լայն շրջանակ (մոտ 55 հոգի):Սակայն արշավի ծավալումը Հայաստանում հանդիպում է որոշակի դժվարությունների, քանի որ 18 տարին լրացած և մեծահասակ քրոնիկ ԳԷ պացիենտների դիսպանսեր բժշկական հսկողությունը դեռևս կարիք ունի կանոնակարգման: Բժիշկների կողմից ցուցաբերված հետաքրքրությունը, ակտիվությունը և բազմաթիվ դրական արձագանքները փաստում են, որ «Բժշկական օգնության նոր տեսակի անցման» արշավն արդիական է և կարիք ունի հետագա զարգացման:

Պրոֆեսոր Էդգար Հովսեփյանի անվան կլինիկական նյարդաբանությանը նվիրված գիտաժողովը արդեն 4-րդ անգամ աշխարհի տարբեր երկրներից Հայաստանում կհամախմբի նյարդաբաններին, նյարդավիրաբույժներին, անեսթեզիոլոգիայի և ռադիոլոգիայի ոլորտների առաջատար մասնագետներին:Գիտաժողովի ընթացքում կքննարկվեն մի շարք հարցեր` էպիլեպսիայի բուժման ժամանակակից մոտեցումները,կլինիկական և ախտորոշիչ հեռանկարները,էպիլեպսիայի ախտորոշման ժամանակ ԷԷԳ-ի դերը,թերապևտիկ առաջընթացը,նախավիրահատական շրջանում օջախների ախտորոշման մարտահրավերները,հետվիրահատական շրջանում դեղորայքային բուժման դադարեցման ճիշտ ժամանակը։Կլինեն նաև գիտաժողովի խորագրին առնչվող այլ հարցեր։Տրվելու են ՇՄԶ կրեդիտներ:Մասնակցության վճարը 25.000 ՀՀ դրամ է: Գրանցումները՝ շուտով։Հանդիպում ենք 2026 թվականի մայիսի 21–22-ին` ժամը 08:30–18:00-ը, «Հոլիդեյ Ինն» հյուրանոցի «Տուշպա» սրահում։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

Այն նվիրված է համաշխարհային առողջապահական կարևորագույն խնդիրների վերաբերյալ իրազեկվածության բարձրացմանը և դրանց լուծմանն ուղղված ջանքերի համախմբմանը: Հանուն առողջության` միասին կանգնենք գիտության կողքին. 2026 թվականին օրվա խորհուրդը ամբողջացվել է այս կարգախոսում:1948 թվականի հենց այս օրը` ապրիլի 7-ին է հիմնադրվել Առողջապահության համաշխարհային կազմակերպությունը (ԱՀԿ): Երկու տարի անց` 1950 թվականին, ի պատիվ ԱՀԿ-ի ստեղծման, ապրիլի 7-ը հռչակվել է որպես Առողջության համաշխարհային օր: Նշենք, որ Հայաստանը ԱՀԿ անդամ է 1994 թվականից: 2024 թվականին «Արաբկիր» բժշկական համալիր-երեխաների և դեռահասների առողջության ինստիտուտին շնորհվել է Առողջապահության համաշխարհային կազմակերպության համագործակցող կենտրոնի կարգավիճակ: Այն տրվում է հիմնականում գիտահետազոտական ինստիտուտներին, համալսարաններին և ակադեմիաների բաժիններին, որոնք առողջապահական ոլորտի ամենատարբեր ուղղություններով աշխատում են ԱՀԿ-ի հետ:«ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Գիտաժողովի ընթացքում քննարկվել են Դյուշենի մկանային դիստրոֆիայով և Սպինալ մկանային ատրոֆիայով պացիենտների վարման մոտեցումներն ու բուժման ժամանակակից հնարավորությունները։Գիտաժողովին մասնակցել են նյարդաբաններ Հայաստանից, ինչպես նաև Սերբիայից, Բուլղարիայից, Լիտվայից, Ռումինիայից, Ղազախստանից և Ռուսաստանից։ Արաբկիր բժշկական համալիրի նյարդաբանության և էպիլեպտոլոգիայի ծառայության ղեկավար Բիայնա Սուխուդյանը հանդես է եկել զեկույցով՝ ներկայացնելով Սպինալ մկանային ատրոֆիայի առաջացման գենետիկական հիմքերը և մեխանիզմները։ Միջազգային փորձի փոխանակումն ու համագործակցությունը կարևոր նշանակություն ունեն ոլորտի զարգացման և բուժման արդյունավետության բարձրացման համար։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ 

«Արաբկիր» բժշկական համալիրի մանկաբույժ Մերի ՄարանդյանըՀանրային հեռուստաընկերության «Եղի՜ր առողջ» նախագծի ընթացքում խոսել է թոքաբորբի առաջացման պատճառների, տեսակների, ախտանիշների մասին և ոչ միայն։«ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

2026 թվականի հունվարի 1-ից ավելի քան 1,5 մլն մարդ առողջության համընդհանուր ապահովագրության շահառու է: Նոր համակարգի ներդրմամբ պայմանավորված` քաղաքացիները իրենց հուզող հարցերի պատասխանները ստանալու համար դիմում են մեզ: Հաճախ տրվող հարցերին պատասխանում է «Արաբկիր» բժշկական համալիրի տնտեսագիտական ծառայության ղեկավար Սոնա Հովհաննիսյանը:- Առողջության համընդհանուր ապահովագրության շրջանակում կարո՞ղ ենք դիմել «Արաբկիր» բժշկական համալիր: -Այո՜, կարող եք։ «Արաբկիր» բժշակական համալիրը ապահովագրված անձանց մատուցում է ինչպես հիվանդանոցային ծառայություններ՝ պլանային և շտապ բժշկական օգնություն և բուժում, վիրահատություններ, այնպես էլ արտահիվանդանոցային ծառայություններ՝ մասնագիտացված խորհրդատվություններ, լաբորատոր և գործիքային հետազոտություններ։ -Ծրագրի շրջանակում բուժօգնություն ստանալու համար սկզբում ու՞ր պետք է դիմել: Ընթացակարգը հետևյալն է. ծառայություններից պլանային կարգով օգտվելու համար անհրաժեշտ է դիմել առողջության առաջնային պահպանման օղակ (պոլիկլինիկա), ստանալ համապատասխան ուղեգիր, այնուհետև գրանցել այցը ուղեգրում նշված ծառայությունը ստանալու համար, իսկ շտապ դեպքերում անմիջապես դիմել հիվանդանոց։ Արդյոք երեխաները ապահովագրված են: – Այո՜, ապահովագրված են ՀՀ քաղաքացի և ռեզիդենտ հանդիսացող – մինչև 18 տարեկան երեխաները, – առանց ծնողական խնամքի մնացած 18-23 տարեկան անձինք, – առանց ծնողական խնամքի մնացած առկա (ստացիոնար) ուսուցմամբ սովորող մինչև 26 տարեկան անձինք։ –Ի՞նչ է պետք անել, եթե ՀՀ քաղաքացիության տվյալը բացակայելու պատճառով «Արմեդ» համակարգում ԱՀԱ շահառուի կարգավիճակը չի արտացոլվում:  Նման խնդիրների դեպքում առաջարկում ենք զանգահարել Առողջության համընդհանուր ապահովագրության հիմնադրամի 8866 կարճ համարին կամ գրել նամակ [email protected] էլեկտրոնային հասցեին (պարտադիր է դիմողի ստորագրությունը և անձը հաստատող փաստաթուղթը) և նշել դիմողի անունը, ազգանունը, հայրանունը, ծննդյան օրը, ամիսը, տարեթիվը։ –Ի՞նչ նեղ մասնագետների խորհրդատվություններն են հասանելի ապահովագրված անձանց առողջության համընդհանուր ապահովագրության շրջանակում: Համընդհանուր ապահովագրության շրջանակում մեզ մոտ հասանելի են հետևյալ նեղ մասնագետների խորհրդատվությունները (երեխաների և մեծահասակների համար)` նյարդաբան, նյարդավիրաբույժ ալերգոլոգ, գաստրոէնտերոլոգ ռևմատոլոգ, օրթոպեդ, նեֆրոլոգ ուրոլոգ, վիրաբույժ ակնաբույժ, թերապևտ, մաշկաբան գինեկոլոգ, քիթկոկորդականջաբան թոքաբան։ –Արդյոք ապահովագրությունը վերաբերում է նաև դիսպանսեր հսկվող երեխաներին: Այո՜։ Դիսպանսեր հսկվող երեխաներին տրամադրվող մասնագիտական խորհրդատվությունը, լաբորատոր և գործիքային անհրաժեշտ հետազոտությունները նույնպես տրամադրվում են համընդհանուր ապահովագրության շրջանակերում։ Նյութը ունի տեղեկատվական բնույթ և նպատակն է պատասխանել քաղաքացիներին հուզող հարցերին։

Շաքարային դիաբետ ունեցող գրեթե բոլոր երեխաները կրում են գլյուկոզայի շարունակական մշտադիտարկման համակարգեր։ Երբ համակարգը արձանագրում է, որ երեխայի արյան մեջ գլյուկոզայի մակարդակը բարձրացել է, ծնողները փորձում են հասկանալ պատճառները, ճիշտ արձագանքել և վերահսկել իրավիճակը։ Թեմային անդրադառնում է «Արաբկիր» բժշկական համալիրի էնդոկրինոլոգ Լուսինե Նավասարդյանը։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

«Ռադիոառողջարան» հաղորդման ընթացքում «Արաբկիր» բժշկական համալիրի նեֆրոլոգ Տանյա Արամյանը ներկայացրել է երիկամային հիվանդությունների կանխարգելման և բուժման կարևորագույն կետերը, պատասխանել երիկամային հաճախ հանդիպող խնդիրների, երիկամային հիվանդությունների տարածվածության, բնորոշ ախտանշանների, դրանք կանխարգելելու սկզբունքների ու ոլորտի նորությունների մասին հնչող հարցերին։ «Բուժման տեսանկյունից ավելի արդյունավետ է երիկամային այս կամ այն խնդիրը ավելի վաղ հայտնաբերել և բուժել։ Սակայն երբ երիկամային հիվանդությունները ուշ են ախտորոշվում և բերում են երիկամային քրոնիկ անբավարարության, չպետք է դա դատավճիռ համարել. կա նաև հաջորդ քայլը՝ հեմոդիալիզ և երիկամի փոխպատվաստում, որից հետո պացիենտներն ունենում են կյանքի ավելի լավ որակ»,- նշում է նեֆրոլոգ Տանյա Արամյանը։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Ցյուրիխի մանկական համալսարանական հիվանդանոցի վարակաբան Քրիստա Ռելլին և ընդհանուր ու զարգացման մանկաբույժ Մարտինա Հյուգը, «Արաբկիր ԲՀ-Ցյուրիխի մանկական համալսարանական հիվանդանոց» համագործակցության ծրագրի շրջանակում Հայաստանում են: Արդյունավետ համագործակցությունը ձևավորվել է ավելի քան երեք տասնամյակ առաջ: Փորձի փոխանակում, որի շրջանակում «Արաբկիր» ԲՀ-ն ոչ միայն հյուրընկալել է Ցյուրիխի մանկական համալսարանական հիվանդանոցի առաջատար մասնագետներին, այլև շատ հայ բժիշկներ վերապատրաստվելու հնարավորություն են ունեցել Շվեյցարիայի մանկական համալսարանական հիվանդանոցում:Եվրոպացի բժիշկների այցը ոչ միայն հնարավորություն է տալիս հայ մասնագետներին ծանոթանալու եվրոպական փորձին, այլև կարևոր քայլ է միջազգային բժշկական կապերի ամրապնդման ուղղությամբ։ Փորձի այս փոխանակումը նպաստում է նորարարական մոտեցումների ներդրմանը և բարձրացնում բժշկական ծառայությունների որակը Հայաստանում։ «ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

Թեև այն պաշտոնապես հաստատված չէ օրացույցում, բայց հրաշալի առիթ է խոսելու այս մասնագետների աշխատանքի կարևորության, բարդության ու պատասխանատվության մասին։ «Արաբկիր» բժշկական համալիրի նեֆրոլոգներն ամեն օր, հավատարիմ Հիպոկրատի երդմանը, պայքարում են կյանքեր փրկելու համար։ Ի դեպ, ամեն տարի նեֆրոլոգիական բաժանմունք է դիմում մոտ 1900 պացիենտ, իսկ դիսպանսեր հսկողություն է անցնում շուրջ 4900-ը։Սիրելի՛ բժիշկներ, ի սրտե շնորհավորում ենք ձեզ և շնորհակալություն հայտնում փրկված յուրաքանչյուր կյանքի, վերականգնված առողջության ու այն ժպիտի համար, որը մարդիկ վերագտնում են ձեր շնորհիվ։Շնորհակալություն նեֆրոլոգներին` մեր երիկամների ու միզուղիների համակարգի առողջությունը ապահովողներին…«ԱՐԱԲԿԻՐ» ԲԺՇԿԱԿԱՆ ՀԱՄԱԼԻՐ՝ ԱՌՈՂՋՈՒԹՅԱՆ ՎՍՏԱՀԵԼԻ ԳՈՐԾԸՆԿԵՐ

«Կենտրոն» հեռուստաընկերության «Լույս առավոտ» հաղորդման հյուրերն են «Արաբկիր» բժշկական համալիրի մեծահասակների նյարդաբան, նեյրոֆիզիոլոգ Լուսինե Վարդանյանը, «Կյանքի ճանապարհ» բարեգործական-հասարակական կազմակերպության հիմնադիր ու ղեկավար Ելենա Բաղդասարյանը և հոգեբանական աջակցության ծրագրերի ղեկավար Մարիամ Արզումանյանը:

Այն նվիրված է էպիլեպսիայի վերաբերյալ իրազեկվածության բարձրացմանը: Գաղափարի հեղինակը իննամյա կանադացի մի աղջիկ է, ով, 2008 թվականին ունենալով այս ախտորոշումը, ցանկանում էր կոտրել հիվանդության վերաբերյալ հասարակության ընկալումները և աջակցել էպիլեպսիա ունեցող իր հասակակիցներին:Այսօր արդեն ամբողջ աշխարհում մարտի 26-ին շենքերն ու հրապարակները լուսավորվում են մանուշակագույնով՝ որպես համերաշխության խորհրդանիշ։

Վիրահատության ցուցումների և անեսթեզիոլոգիական առանձնահատկությունների մասին՝ «Լուրեր»-ի ռեպորտաժում:

Օդային տագնապ: Ի՞նչ անել և ինչի՞ց զգուշանալ:Ուսումնական տարհանում է նպատակը օդային տագնապի ժամանակ աշխատակիցների պատրաստվածությունն ու արագ արձագանքման հմտությունները բարձրացնելն է։Ուսումնական վարժանքի ժամանակ բուժանձնակազմը գործել է հստակ և կազմակերպված՝ ապահովելով պացիենտների անվտանգությունը։ Նման վարժանքները կարևոր են՝ յուրաքանչյուր իրավիճակում արագ ու արդյունավետ գործելու համար:

Աշխարհում յուրաքանչյուր 700–800 նորածնից մեկը ծնվում է Դաունի համախտանիշով։ Այն անդրադառնում է երեխայի զարգացման և ֆիզիկական ու մտավոր որոշ առանձնահատկությունների վրա։Այսօր Դաունի համախտանիշի համաշխարհային օրն է։ Այն սահմանվել է Առողջապահության համաշխարհային կազմակերպության կողմից 2012 թվականին։ Դաունի համախտանիշ ունեցող երեխաներին հաճախ «արևներ» են կոչում։ «ԱրԲեՍ» առողջության կենտրոնը տարիներ շարունակ զբաղվում է նաև այս համախտանիշը ունեցող երեխաների գնահատմամբ և վերականգնողական թերապիայով։

Հայաստանում մանկական առողջապահության համակարգը կանգնած է խորքային փոփոխությունների շեմին․ առաջնային օղակի ուժեղացում, մարզերում ծառայությունների ապակենտրոնացում, նորագույն տեխնոլոգիաների ներդրում և միջազգային համագործակցության ընդլայնում։«Արաբկիր» բժշկական համալիրի կառավարման խորհրդի նախագահ, գիտական ղեկավար, բժիշկ-մանկաբույժ Արա Բաբլոյանը «Արմենպրես»-ի հետ զրույցում ներկայացրել է ոլորտի զարգացման ուղղությունները, տարվա ձեռքբերումներն ու առկա մարտահրավերները։-Պարոն Բաբլոյան, ինչպե՞ս կգնահատեք անցնող տարին կենտրոնի համար և որո՞նք էին ամենակարևոր ձեռքբերումները։-Կենտրոնը դինամիկ զարգացող կառույց է, և մեր գործունեությունը պետք է դիտարկել որպես շարունակական գործընթաց։ Մենք մշտապես ուսումնասիրում ենք մեր իրականացրած գործառույթները, փորձում ենք դրանք բարելավել, զարգացնել և հասցնել ավելի բարձր մակարդակի։Մեր գործունեությունը մի քանի հիմնական ուղղություն ունի։ Առաջինը՝ ամենօրյա բժշկական ծառայություններն են՝ մանկաբուժություն, մանկական վիրաբուժություն, քիթ-կոկորդ, օրթոպեդիա և այլ ուղղություններ։ Սրանք այն ծառայություններն են, որոնք ապահովում են համակարգի հիմքը։Դրան զուգահեռ զարգացնում ենք նեղ մասնագիտական ուղղությունները, որտեղ ունենք առավել ընդգծված արդյունքներ։ Մասնավորապես՝ մանկական նյարդաբանության և նյարդավիրաբուժության ոլորտներում կարող ենք ասել, որ «Արաբկիր»-ը առաջատար է ոչ միայն Հայաստանում, այլ նաև տարածաշրջանում։ Մենք ունենք պացիենտներ, որոնք գալիս են արտերկրից՝ հատկապես Միջին Ասիայից, և ստանում են արդյունավետ բուժում։Էպիլեպսիայի ուղղությունը մեզ համար առանձնահատուկ կարևոր է։ Մենք հսկողության տակ ունենք ավելի քան 4000 պացիենտ, ինչը Հայաստանի համար բավականին մեծ թիվ է։ Բուժումը հիմնականում իրականացվում է դեղորայքային եղանակով, սակայն այն դեպքերում, երբ դա արդյունավետ չէ, կիրառում ենք վիրահատական մեթոդներ։Այս ոլորտում մենք անցել ենք զարգացման մի քանի փուլ՝ բաց վիրահատություններից մինչև ստերեոտակտիկ մեթոդների ներդրում, երբ մի քանի օրվա ընթացքում հնարավոր է հայտնաբերել խնդրի օջախը և իրականացնել ռադիոհաճախական աբլացիա՝ առանց բաց վիրահատության։ Ներկայում ներդրվում է նաև խորանիստ ուղեղային ստիմուլյացիան, որը նոր փուլ է այս ոլորտում։Շարունակությունը` armenpress.am կայքում: