Այսօր մեկնարկել է Հայաստանի միջազգային բժշկական 6-րդ համագումարը` «Միասին կարող ենք ավելին» կարգախոսով: Համագումարի բացման պաշտոնական արարողությունը տեղի է ունեցել երեկ` Հայաստանի Ամերիկյան համալսարանում:

Մայր Աթոռ Սուրբ Էջմիածնի Արտաքին հարաբերությունների եւ արարողակարգի բաժնի ղեկավար Նաթան արքեպիսկոպոս Հովհաննիսյանը համագումարի մասնակիցներին է փոխանցել Վեհափառ Հայրապետի օրհնությունն ու ողջույնի խոսքը: Ողջույնի խոսքով հանդես են եկել նաեւ ՀՀ Առողջապահության նախարար Անահիտ Ավանեսյանը, Արցախի հանրապետության Առողջապահության նախարար Վարդան Թադեւոսյանը` տեսակապով, համագումարի պատվավոր նախագահ Արա Բաբլոյանը, Հայկական բժշկական միջազգային կոմիտեի նախագահ Վիգեն Սեպիլյանը, IMCA6-ի համանախագահներ Գեւորգ Յաղջյանն ու Համբարձում Սիմոնյանը:
 

Համագումարի բացման արարողության ժամանակ հայկական բժշկագիտության մի խումբ երախտավորներ, նրանց մեջ եւ «Արաբկիր» ԲՀ-ԵԴԱԻ գիտական ղեկավար եւ կառավարման խորհրդի նախագահ, պրոֆեսոր Արա Բաբլոյանը եւ համալիրի Նյարդաբանության եւ էպիլեպտոլոգիայի ծառայության ղեկավար Բիայնա Սուխուդյանը, արժանացել են հատուկ պարգեւների:

Շնորհավորում ենք, մաղթում առողջ եւ խաղաղ ընթացք:
 

Համագումարը շարունակվելու է մինչեւ հուլիսի 8-ը: Բոլոր մանրամասներին կարող եք հետեւել IMCA6-ի կայքով եւ ֆեյսբուքյան էջով:

https://6imca.am/

https://www.facebook.com/6imca