Գաստրոէնտերոլոգիական եւ էնդոսկոպիկ ծառայությունների հրավերով համագործակցության հերթական այցով կրկին «Արաբկիր» բժշկական համալիրում էր Ցյուրիխի համալսարանական մանկական հիվանդանոցի գաստրոէնտերոլոգիայի եւ սննդաբանության ծառայության ղեկավար Քրիստիան Բրեգերը: Պրոֆեսորի վարպետության դասընթացն այս անգամ «Միջմաշկային էնդոսկոպիկ գաստրոստոմայի (PEG-ի) տեղադրումը երեխաներին» թեմայով էր, որին մասնակցում էին ոչ միայն «Արաբկիր», այլեւ «Սուրբ Աստվածամայր» եւ «Մուրացան» բժշկական կենտրոնների մասնագետները:   Պրոֆեսոր Բրեգերի անմիջական մասնակցությամբ կատարվել է PEG-ի տեղադրման 5 միջամտություն` նյարդաբանական խնդիրներով երեխաների, որոնք ունեն կլման ակտի, հետեւաբար եւ բերանային սնուցման մեծ դժվարություններ:   PEG-ը մանկական գաստրոէնտերոլոգիայի` աշխահում ամենատարածված մեթոդներից է, արագ է ու արդյունավետ, օգնում է խուսափել ոչ միայն թերսնուցման բարդություններից, այլեւ բարելավում է պացիենտի ու նրան խնամողների, ընտանիքի կյանքի որակը:   PEG-ի անհրաժեշտությունը որոշվում է բազմամասնագիտական թիմով:

«Արաբկիր» բժշկական համալիրի ղեկավարությունն ու ողջ անձնակազմն իրենց խիստ անհանգստությունն ու վրդովմունքն են հայտնում երեկ «Մուրացան» համալսարանական հիվանդանոցում բժշկուհու եւ անվտանգության աշխատակցի հետ տեղի ունեցածի առիթով:   Բժշկի, բուժաշխատողի նկատմամբ բռնությունը դատապարտելի վարքագիծ է, որ շարունակում է արատավորել մեր հասարակությունը` անկախ որեւէ հանգամանքից:   Սիրելի հայրենակիցներ, թույլ մի տվեք ձեզ նման վարքագիծ, կարողացեք կառավարել ձեր զգացմունքները հատկապես բժշկական հաստատություններում, որտեղ աշխատում են նվիրյալներ` հանուն ձեր եւ ձեր հարազատների առողջության:

«Պետք է հատուկ ուշադրություն դարձնենք երեխաների առողջությանը ոչ նրա համար, որ մենք ավելի ջերմ հակումներ ունենք դեպի երեխաները, այն նրա համար, որ հասկանանք՝ մենք գնում ենք առողջապահությու՞ն, թե՞ հիվանդաբուժություն: Այսօր պետք է կարողանանք միավորվել, ստեղծել այն համակարգը, որը կշարունակի զարգացնել մանկաբուժության այն մոտեցումները, որոնք կտան հնարավորություններ՝ ապահովելու մեր ապագան, մեր բնակչության առողջությունը». Արա Բաբլոյան Կարդացեք ԵՊԲՀ-ում անցկացված «Մանկաբուժություն և ծերաբուժություն. բժշկագիտության երկու «հսկաներ», արդի խնդիրները և լուծումները» միջազգային համաժողովի մասին` հղումով:  

Սիրելի մանկաբույժներ, շնորհավորում ենք մասնագիտական տոնի առիթով ու ասում շնորհակալություն՝ ձեր նվիրումի ու ջերմության, փոքրիկների առողջացամնն ուղղված ձեր ջանքերի ու մասնագիտական բարձրակարգ օգնության համար: Ձեր գործն անգնահատելի է: Առողջ եղեք եւ վայելեք երջանկություն՝ ձեր ընտանիքների հետ: