Էնդոսկոպիկ ծառայություն

«Արաբկիր» ԲՀ-ԵԴԱԻ էնդոսկոպիկ ծառայության գործունեությունն սկսվել է 1980-ականներին` նախկին հանրապետական մանկական հիվանդանոցի կազմում: Սկզբում գաստրոսկոպիան կատարվել է միայն ախտորոշիչ նպատակով: Այնուհետև կուտակած փորձը թույլ է տվել 1990-ականների սկզբին արդեն իրականացնել հանրապետության մասշտաբով մանկական առաջին սկլերոթերապիան (արյունահոսության դադարեցում), որն ունեցել է նաև բուժական նշանակություն: Հենց այդ տարիներին էլ ձեռք է բերվել առաջին կոլոնոսկոպը, ինչը ևս մեկ քայլ էր դեպի ոլորտի արդի հնարավորություններ:

Այսօր «Արաբկիր» ԲՀ էնդոսկոպիկ ծառայությունը գործում է ժամանակակից վիրահատարանում` հագեցած ճապոնական OLYMPUS ապրանքանիշի նորագույն սարքերով: Դրանք հնարավորություն են տալիս կատարելու առավել ճշգրիտ ախտորոշումներ` անհրաժեշտության դեպքում դրանց զուգահեռ իրականացնելով նաև բուժական միջամտություններ:

Էնդոսկոպիկ հետազոտությունները կատարվում են ինչպես հիվանդանոցային (ստացիոնար) պայմաններում բուժվող մինչև 18 տարեկան երեխաներին, այնպես էլ արտահիվանդանոցային (ամբուլատոր) կարգով դիմած բուժառուներին` անկախ տարիքից: Էնդոսկոպիկ հետազոտություններն ընդգրկում են մարսողական ուղու վերին և ստորին հատվածներն ամբողջությամբ` գաստրոսկոպիայով և կոլոնոսկոպիայով: Դրանք հիմնականում իրականացվում են անզգայացումով, ինչից հետո որոշ ժամանակ, կախված բուժառուի ընդհանուր վիճակից, արթնացման սենյակում նրան հսկում է մասնագետը:

«Արաբկիր» ԲՀ էնդոսկոպիկ ծառայությունը զբաղվում է ոչ միայն բժշկական պրակտիկ գործունեությամբ, այլև կրթական: Այստեղ «էնդոսկոպիա» ճյուղով կարող են վերամասնագիտանալ մանկական գաստրոէնտերոլոգներն ու վիրաբույժները:

Աշխատակազմ

Մեդիա

Գնացուցակ

Կապ

Աբրահամյան Արմեն

Գաստրոէնտերոլոգ-էնդոսկոպիստ

Դանիելյան Ռուբիկ Անդրանիկի

Բժիշկ-էնդոսկոպիստ

Հովնանյան Անի Վաղինակի

Գաստրոէնտերոլոգ-էնդոսկոպիստ

Փորկապությունը երեխաների մոտ

12 փետրվար

Փորկապությունը երեխաների մոտ. #OpenFamilyEducation-ի շրջանակում թեման ներկայացնում է «Արաբկիր» բժշկական համալիրի մանկական գաստրոէնտերոլոգ Արմեն Աբրահամյանը: Լսեք, եղեք տեղեկացված և ճիշտ կողմնորոշվեք` երեխայի մոտ որևէ խնդիր նկատելիս:

Մեր նոր գործընկերները

01 նոյեմբեր 23

Սիրելի հայրենակիցներ, ուրախությամբ տեղեկացնում ենք, որ «Արաբկիր» բժշկական համալիրի մասնագիտական մեծ թիմին են միացել մեր գործընկերներ Էռնեստ Լալայանը` մանկաբույժ, Ռուբեն Խաչատրյանը` բժիշկ-ռադիոլոգ, Արմեն Աբհարամյանը` գաստրոէնտերոլոգ, էնդոսկոպիստ և Լիանա Գրիգորյանը` լոգոպեդ: Նախապես գրանցվել կարող եք` զանգահարելով 015 400 300 և ներքին` 21 27` մանկաբույժի խորհրդատվության համար, 010 23 20 20` ուլտրաձայնային հետազոտության համար, 015 400 300 և ներքին` 12 16` գաստրոէնտերոլոգի խորհրդատվության և էնդոսկոպիկ հետազոտության համար, 010 26 47 62` լոգոպեդական պարապմունքների համար:

Պրոֆեսոր Բրեգերի այցը «Արաբկիր» ԲՀ

16 հունիս 23

Շարունակվում են շվեյցարացի մեր գործընկերների այցելություններն «Արաբկիր» ԲՀ-ի տարբեր ծառայություններ ու բաժանմունքներ: Անցած շաբաթ գաստրոէնտերոլոգիական և էնդոսկոպիկ ծառայությունների պատվավոր հյուրն է եղել գաստրոէնտերոլոգ, սննդաբան, Ցյուրիխի համալսարանական մանկական հիվանդանոցի գաստրոէնտերոլոգիայի և սննդաբանության ծառայության նախկին ղեկավար, պրոֆեսոր Քրիստիան Բրեգերը: Պրոֆեսորն անց է կացրել վարպետության դասընթաց` նվիրված երեխաների էնդոսկոպիկ հետազոտությունների` գաստրոսոկպիայի և կոլոնոսկոպիայի կատարման հմտություններին և մեկնաբանությունների արդի մոտեցումներին: Գասրոէնտերոլոգ-էնդոսկոպիստ Անի Հովնանյանն այդ օրերին 22 հետազոտություն է կատարել` պրոֆեսորի անմիջական ներկայությամբ և հետազոտության ընթացքում տված խորհուրդներով: Հետազոտությունների անեսթեզիոլոգիական վարումն իրականացրել է Սոնա Մարտիրոսյանը: Պացիենտների ընտրությունն ու նախապատարաստական աշխատանքներն իրականացրել է գաստրոէնտերոլոգիական ծառայության թիմը` ընդհանուր մանկաբուժական բաժանմունքի հետ համատեղ:

«Արաբկիրում» էր պրոֆեսոր Քրիստիան Բրեգերը

27 հոկտեմբեր 22

Գաստրոէնտերոլոգիական և էնդոսկոպիկ ծառայությունների հրավերով համագործակցության հերթական այցով կրկին «Արաբկիր» բժշկական համալիրում էր Ցյուրիխի համալսարանական մանկական հիվանդանոցի գաստրոէնտերոլոգիայի և սննդաբանության ծառայության ղեկավար Քրիստիան Բրեգերը: Պրոֆեսորի վարպետության դասընթացն այս անգամ «Միջմաշկային էնդոսկոպիկ գաստրոստոմայի (PEG-ի) տեղադրումը երեխաներին» թեմայով էր, որին մասնակցում էին ոչ միայն «Արաբկիր», այլև «Սուրբ Աստվածամայր» և «Մուրացան» բժշկական կենտրոնների մասնագետները: Պրոֆեսոր Բրեգերի անմիջական մասնակցությամբ կատարվել է PEG-ի տեղադրման 5 միջամտություն` նյարդաբանական խնդիրներով երեխաների, որոնք ունեն կլման ակտի, հետևաբար և բերանային սնուցման մեծ դժվարություններ: PEG-ը մանկական գաստրոէնտերոլոգիայի` աշխահում ամենատարածված մեթոդներից է, արագ է ու արդյունավետ, օգնում է խուսափել ոչ միայն թերսնուցման բարդություններից, այլև բարելավում է պացիենտի ու նրան խնամողների, ընտանիքի կյանքի որակը: PEG-ի անհրաժեշտությունը որոշվում է բազմամասնագիտական թիմով:

Էնդոսկոպիկ հետազոտություններ

Անվանում

Գին

Երեխաներին

Մեծահասակներին

Հատուկ գին

Warning: Undefined property: stdClass::$special_price_2 in /home/arabkirmc/web/arabkirmc.am/public_html/assets/pages/services.php on line 222

Գաստրոսկոպիա

15 000

Գաստրոսկոպիա` ընդհանուր անզգայացմամբ

30 000

Գաստրոսկոպիա` ընդհանուր անզգայացմամբ և բիոպսիոն (առնվազն 3 կտոր) նյութի վերցմամբ (առանց բիոպսիայի հետազոտության արժեքի)

40 000

Կոլոնոսկոպիա

25 000

Կոլոնոսկոպիա` ընդհանուր անզգայացմամբ

40 000

Կոլոնոսկոպիա` ընդհանուր անզգայացմամբ և բիոպսիոն (առնվազն 5 կտոր) նյութի վերցմամբ (առանց բիոպսիայի հետազոտության արժեքի)

50 000

Հելիկոբակտեր պիլորի մանրէի հետազտություն ստամոքսի և 12 մատնյա աղու բիոպտատում, բիոքիմիական <հելպիլ> թեսթի միջոցով

5 000

*Ցուցադրված գներն ունեն տեղեկացնող բնույթ։ Գները կարող են փոփոխվել։ Խնդրում ենք կապվել մեզ հետ՝ վերջնական արժեքները պարզելու համար։

Հասցե

Երեւան, Մամիկոնյանց 30, պոլիկլինիկական մասնաշենք, 2-րդ հարկ

Հեռախոս

015 400 300 /12 17/

015 400 300 /12 16/