«Արաբկիր» բժշկական համալիրի արտահիվանդանոցային մանկաբուժական կաբինետներում բժշկական օգնությունն ու սպասարկումը ապահովում են երեխաների առողջ մանկությունը` վաղ հայտնաբերելով և կանխարգելելով հիվանդությունները: Մեր բանիմաց մանկաբույժները կազմակերպում են կրծքի հասակի, վաղ, ավագ հասակի երեխաների և դեռահասների բարձրակարգ մասնագիտացված բուժօգնությունը` վաղ ախտորոշումը և բուժումը, որպես ամբուլատոր օգնություն, այսինքն երեխաներն այստեղ չեն ՛՛պառկում՛՛, այցելում են որպես պոլիկլինիկա, բայց ոչ թե տեղամասային պոլիկլինիկա, այլ ներհիվանդանոցային:
Մեր փոքրիկ պացիենտներն այստեղ սպասարկվում են առողջական տարբեր խնդիրների դեպքում.
- սուր շնչառական վարակներ,
- սուր թոքաբորբեր,
- սուր բրոնխիտներ,
- սուր բրոնխիոլիտներ,
- սուր տոնզիլիտներ,
- միջին ականջի բորբոքումներ,
- Դ վիտամինի անբավարարություն,
- դեֆիցիտային անեմիաներ /երկաթ, ֆոլաթթու, Բ12/,
- աղեստամոքսային համակարգի հիվանդություններ,
- տենդով ուղեկցվող հիվանդություններ,
- աճի խանգարումներ,
- սնուցման խնդիրներ,
- մանկական ալերգիկ հիվանդություններ,
- չճշտված ախտորոշումներ եւ այլն:
Բուժզննումն իրականացվում է երեխաների համար հաճելի մթնոլորտում` զննման առանձին սենյակներում. դա օգնում է փոքրիկ պացիենտներին հաղթահարել վախերն ու ընկերանալ բժիշկների հետ, վստահել նրանց: Առաջնային զննումից հետո, ըստ անհրաժեշտության, մանկաբույժն ուղղորդում է փոքրիկ պացիենտներին դեպի նեղ-մասնագիտական կաբինետներ:
Պացիենտների վարումն իրականացվում է միջազգային արդի չափորոշիչներին համապատասխան, ապացուցողահեն ուղեցույցերով, կիրառվում է ախտորոշիչ մեթոդների լայն սպեկտր` ինչպես գործիքային, այնպես էլ լաբարատոր: Ախտորոշման համար ամբուլատոր ծառայության մանկաբույժների եւ պացիենտների համար հասանելի են բժշկական համալիրի համապատասխան բոլոր ծառայությունները, ինչը բավական հեշտացնում է ծնողների գործը. այսինքն մեկ վայրում հնարավոր է ստանալ եւ ամբուլատոր-խորհրդատվական, եւ ախտորոշման եւ, բուժական, հարկ եղած դեպքում նաեւ` հիվանդանոցային-ստացիոնար բուժական ծառայություններ:
Ամբուլատոր ծառայության մանկաբույժներն իրականացնում են նաև առողջ երեխաների հսկողություն և վարում, խորհրդատվություն` սնուցման, խնամքի վերաբերյալ: Կանխարգելիչ պատվաստումներ «Արաբկիր» ԲՀ-ի ամբուլատոր մանկաբուժական ծառայությունում չեն իրականացվում, այդ գործառույթով զբաղվում են առողջության առաջնային օղակում, կամ, ինչպես ասում են` տեղամասային պոլիկլինիկաներում:
Բժշկական օգնությունն եւ սպասարկումն իրականացվում են վճարման 3 սկզբունքներով` պետպատվերով, որի դեպքում ծառայության համար վճարում է պետությունը` տեղամասային պոլիկլինիկայից հատկացված համապատասպան ուղեգրով, ապահովագրությամբ, երբ վճարում է ապահովագրական ընկերությունը եւ երրորդ տարբերակը, երբ վճարումը կատարում է պացիենտը, երեխաների դեպքում` ծնողը կամ նրա ներկայացուցիչը:
Մանկաբուժական ամբուլատոր ծառայության նպատակն է նպաստել «ազգային հարստության»` երեխաների առողջութան պահպանմանը` ամենօրյա արհեստավարժ աշխատանքով:
Այցելության համար պետք է հերթագրվել` զանգահարելով 015 400 300 եւ ներքին` 21 27 կամ 010 23 80 89: