Բաբլոյան Արման Արայի
«Արաբկիր» ԲՀ-ԵԴԱԻ, տնօրեն

ԾՆՆԴՅԱՆ ՏՎՅԱԼՆԵՐ` 22.08.1979թ., ք.Երևան

ԿՐԹՈՒԹՅՈՒՆ
2005-2007թթ.` Հայաստանում ֆրանսիական համալսարան, կառավարման ֆակուլտետի մագիստրատուրա` «Ձեռներեցություն, փոքր և միջին ձեռնարկությունների կառավարում» մասնագիտացմամբ
2004-2007թթ.` ԱՆ Ս. Ավդալբեկյանի անվան ԱԱԻ, վիրաբուժական ստոմատոլոգիայի ամբիոն, ասպիրանտուրա
2001-2004թթ.` Մ. Հերացու անվան ԵՊԲՀ օրթոպեդիկ ստոմատոլոգիայի ամբիոն, կլինիկական օրդինատուրա
1996-2001թթ.` Մ. Հերացու անվան ԵՊԲՀ ստոմատոլոգիական ֆակուլտետ, բժիշկ-ատամնաբույժ
1986-1996թթ` ք. Երևան, թիվ 83 միջնակարգ դպրոց


ՎԵՐԱՊԱՏՐԱՍՏՈՒՄՆԵՐ
2019թ. «Հայաստանի 5-րդ միջազգային բժշկական համագումար», ՀՀ ԱՆ
2016թ. Ժուրայի Կանտոնալ հիվանդանոցի ադմինիստրացիա, «Հիվանդանոցային կառավարում-մարդկային ռեսուրսների կառավարման հմտություններ» թեմայով, Շվեյցարիա
2010թ. Ժուրայի Կանտոնալ հիվանդանոցի ադմինիստրացիա, «Հիվանդանոցային կառավարում-մարդկային ռեսուրսների կառավարման հմտություններ» թեմայով, Շվեյցարիա
2006թ. Ժուրայի Կանտոնալ հիվանդանոցի ադմինիստրացիա, «Հիվանդանոցային կառավարում» թեմայով, Շվեյցարիա
2005թ. «Մարդկային ռեսուրսների կառավարում առողջապահության համակարգում» թեմայով, Հայաստանում ամերիկյան համալսարան
2002թ. «Օրթոպեդիկ ստոմատոլոգիա» թեմայով, Aix-Marseille 2 համալսարան ք. Մարսել, Ֆրանսիա


ԾԱՌԱՅՈՒԹՅՈՒՆ
2007 -2009թթ. ՀՀ ԶՈՒ, բժշկական ծառայության լեյտենանտ, ատամնաբույժ


ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒ
2013-2015թթ. ՀՀ առողջապահության նախարարություն, նախարարի տեղակալ
2010-2013թթ. «Գարանտ Լիմենս» ԱՓԲԸ (Գարանտ-Ինշուրանս), տնօրենների խորհրդի նախագահ
2008-2010թթ. «Գարանտ Լիմենս» ԱՓԲԸ (Գարանտ-Ինշուրանս), տնօրենների խորհրդի անդամ
2007-2013թթ. «Արաբկիր» ԲՀ-ԵԴԱԻ, տնօրեն
2007-2008թթ. «Գարանտ Լիմենս» ԱՓԲԸ (Գարանտ-Ինշուրանս), տնօրենների խորհրդի նախագահ
2004-2007թթ. «Արաբկիր» ԲՀ-ԵԴԱԻ, մարզային մասնաճյուղերի տնօրենՆ
2015թ-ից «Արաբկիր» ԲՀ-ԵԴԱԻ, տնօրեն


ՔԱՂԱՔԱԿԱՆ ԳՈՐԾՈՒՆԵՈՒԹՅՈՒՆ
2017թ-ից ՀՀԿ խորհրդի անդամ
2006թ-ից ՀՀԿ անդամ, ՀՀԿ Արաբկիրի տարածքային կազմակերպություն, խորհրդի անդամ


ՀԱՍԱՐԱԿԱԿԱՆ ԳՈՐԾՈՒՆԵՈՒԹՅՈՒՆ
2012թ-ից ՀՀ ռադիոսպորտի ֆեդերացիայի նախագահ
2011թ-ից «Առողջապահության կազմակերպիչների միավորում» ՀԿ, խորհրդի անդամ


ՊԱՐԳԵՎԱՏՐՈՒՄՆԵՐ
2020թ.` ՀՀ նախագահի հրամանով «Մխիթար Հերացի» մեդալ
2015թ.` Արաբկիր վարչական շրջանի ղեկավարի շնորհակալագիր` բարեխիղճ և արդյունավետ աշխատանքի համար
2015թ.` Երևանի քաղաքապետի պատվոգրի Երևանի հասարակական կյանքին ակտիվ մասնակցության և համագործակցության համար
2014թ.` ՀՀ ՊՆ նախարարի հրամանով  պատվոգիր` միջազգային մրցաշարերում և աշխարհի առաջնություններում Ռադիոսպորտի  հավաքականի կազմում ձեռքբերած նվաճումների համար
2014թ.` ՀՀ ՊՆ նախարարի հրամանով «Վազգեն Սարգսյան» մեդալ
2012թ.` ՀՀԿ նախագահի պատվոգիր` կուսակցական, հասարակական-քաղաքական գործունեության համար
2011թ.` ՀՀ ՊՆ ԶՈւ հոբելյանական մեդալ


ԼԵԶՈՒՆԵՐԻ ԻՄԱՑՈՒԹՅՈՒՆ
հայերեն, անգլերեն, ռուսերեն, ֆրանսերեն

ԱՆՁՆԱԿԱՆ ՏՎՅԱԼՆԵՐ
Ամուսնացած է, ունի երկու զավակ։


Կիսվել Facebook-ում
Մեդիա
Երեխաների առողջության իրավունքն ու մանկաբուժության խնդիրները
«Մաղթում եմ, որ մեր բոլոր երեխաներն առողջ լինեն, ապրեն խաղաղ ու ապահով, անվտանգ երկրում: Սա ամենաառաջնայինն է: Եվ իհարկե, ունենան հնարավորություններ` բոլոր տեսակի իրավունքների ապահովման տեսակետից` ինչպես առողջապահական, այպես էլ կրթական, սոցիալական եւ այլն».   «Արաբկիր» ԲՀ-ԵԴԱԻ տնօրեն Արման Բաբլոյանը պատասխանել է news.am-ի հարցերին. առիթը` Երեխաների իրավունքների պաշտպանության օրն է, թեման` երեխաների առողջության իրավունքն ու մանկաբուժության խնդիրները:   Պարոն Բաբլոյան, երեխաների առողջության իրավունքի հիմքում բժշկագիտության ամենակարեւոր ճյուղերից մեկն է` մանկաբուժությունը: Որպես Հայաստանի ամենահեղինակավոր եւ բարձր` երրորդ մակարդակի մանկաբուժական հաստատություններից մեկի ղեկավար, ի՞նչ կարծիքի եք, ինպիսի՞ն է այսօր մանկաբուժությունը Հայաստանում, ի՞նչ հեռանկարներ կան մեզ մոտ այս ասպարեզում: Շնորհակալություն, թեման իսկապես չափազանց կարեւոր է: Մեզանում շատ ընդունված արտահայտություն կա` երեխաները մեր ապագան են, սակայն մեր մոտեցումն այլ է` երեխաները մեր ներկան են, մեր այսօրը եւ հենց այսօր ունեն իրենց իրավունքները, այդ թվում` առողջության իրավունքը: Եվ այդ առումով մենք` պետությունը, հասարակությունը, բժիշկները, բոլորս, պետք է անենք ամենը, ինչ անհրաժեշտ է երեխաների առողջության իրավունքի պաշտպանության համար: Միեւնույն ժամանակ, որպես ռազմավարություն, պետությունը պետք է հաշվի առնի, որ չի կարող ունենալ առողջ հասարակություն, եթե չապահովի այդ հասարակության հիմնաքարի` երեխաների, մանուկների առողջությունը: Այսինքն հասարակության առողջությունը ուղիղ համեմատական է երեխաների առողջությանը, այսօրվա երեխաների առողջությունը վաղվա չափահաս առողջ հասարակության գրավականն է, եւ երեխայի այսօրվա իրավունքը պաշտպանելով` մենք հետագա առողջ հասարակություն եւ անվտանգ երկիր ենք ակնկալում ունենալ: Ուրեմն մանկաբուժությունն առողջապահության մեջ առաջնային, ուրույն տեղ պիտի ունենա միշտ, այնպես, ինչպես ԱՀԿ-ի մոտեցումներով է եւ զարգացած երկրների բարձրակարգ առողջապահական համակարգերում` մայրությունն ու մանկությունն առաջնահերթություն են եւ դա չի քննարկվում:  Բայց ցավալի է, որ վերջին 20 տարիներին մանկաբուժություն մասնագիտության նկատմամբ հետաքրքրության անկում է նկատվում, եւ միայն նվիրյալներն են գնում այս ուղղությամբ: Հնարավո՞ր է , որ դա կապված էր մանկաբուժության ֆակուլտետի փակման հետ: Իհարկե, մանկաբուժության ֆակուլտետի փակումն ուներ իր  նշանակությունն այս հարցում, բայց խնդիրը միայն դրա հետ կապել ճիշտ չէ, որովհետեւ բնագավառը պետք է հետաքրքրություն առաջացնի նորավարտների մոտ ընդհանրապես, որպեսզի նրանք որոշեն գնալ մանկաբուժությամբ: Իսկ հետաքրքրություն առաջացնող գուցե ոչ ամենաառաջին, բայց առաջնային գործոններից մեկն աշխատանքի դիմաց վարձատրությունն է: Եվ եթե մենք համեմատում ենք երեխաների եւ մեծահասակների բժշկական ծառայությունների գները, տեսնում ենք, որ մոտեցումների մեծ տարբերություն կա: Մեծահասակների դեպքում դրանք դիֆերենցված են եւ ավելի մոտ են ծառայության իրական արժեքին, իսկ մանկականի դեպքում դրանք միջինացված են, ինչը չի մոտիվացնում նորավարտներին ընտրել մանկաբուժությունը: Նրանք նախընտրում են մեծահասակների բժշկական մասնագիտությունները, որպեսզի հետագայում կարողանան նպաստել իրենց ընտանիքների ավելի բարեկեցիկ կյանքին: Եթե մի փոքր ավելի ընդհանուր դիտարկենք, ի՞նչը կառանձնացնեիք, ի՞նչն է կարեւոր Հայաստանում մանկաբուժության առջեւ ծառացած խնդիրների լուծման համար: Կարծում եմ մենք երեք հիմնական ուղղությամբ պետք է մտածենք. առաջինն առաջնային օղակի զարգացումն է, ինչը մեծապես կթեթեւացնի հիվանդանոցային օղակի բեռը եւ հիվանդանոցների ռեսուրսները չեն ծախսվի այն հիվանդությունների կանխարգելման, խորհրդատվությունների, հետազոտությունների, բուժման վրա, որոնք կարելի է լիարժեքորեն իրականացնել առաջնային օղակում: Եվ սրան զուգահեռ երկրորդ ուղղությունն է`  հիվանդանոցային ծառայությունների զարգացումը: Սրանք խիստ փոխկապակցված են: Իսկ երրորդ ուղղությունն, անշուշտ, կրթությունն է, ինչպես բուհական, այնպես էլ՝ հետբուհական եւ շարունակական մասնագիտական զարգացումը, որպեսզի կարողանանք ապահովել անհրաժեշտ կադրեր ոլորտի համար: Սա, կարծում եմ, առաջիկա տարիներին առաջնահերթություն պետք է լինի, քանի որ մասնագիտական ռեսուրսների պակաս է նկատվում` արդեն նշված հանգամանքներից ելնելով:   Եվ վերջում` Ձեր մաղթանքը` հունիսի 1-ի կապակցությամբ: Մաղթում եմ, որ մեր բոլոր երեխաներն առողջ լինեն, ապրեն խաղաղ ու ապահով, անվտանգ երկրում: Սա ամենաառաջնայինն է: Եվ իհարկե, ունենան հնարավորություններ` բոլոր տեսակի իրավունքների ապահովման տեսակետից` ինչպես առողջապահական, այպես էլ կրթական, սոցիալական եւ այլն:              
Շնորհավոր Մարտի 8
Սիրելի կանայք,   իրավունքների պաշտպանության օրվա՝ Մարտի 8-ի առիթով առաջին հերթին ձեր առողջության, խաղաղ ապրելու, մայրության բերկրանքն ամբողջ կյանքում վայելելու, ստեղծագործելու իրավունքների իրացում եմ մաղթում եւ անսահման սեր, որն ուժ կտա՝ հաղթահարելու դժվարությունները:   Շնորհակալություն, որ ձեր գոյությամբ դարձնում եք մեր կյանքն ավելի հետաքրքիր ու ջերմ, ձեր գործունեությամբ՝ ավելի ապահով ու վստահելի եւ ձեր նվիրումով՝ ավելի իմաստավորված:    «Արաբկիր» ԲՀ տնօրեն Արման Բաբլոյան