«Արաբկիր» բժշկական համալիրի նյարդաբանության եւ էպիլեպտոլոգիայի ծառայությունը, «Բուժքույրերի եւ թերապիստների գերազանցության կենտրոն» հիմնադրամն ու Առողջապահության նախարարության Ակադեմիկոս Ավդալբեկյանի անվան Առողջապահության ազգային ինստիտուտն անց են կացրել ԷԷԳ տեխնիկների մասնագիտական դասընթաց` միջին բուժաշխատողների համար: Դասախոսություններով հանդես են եկել հրավիրյալ մասնագետներ արտերկրից, մասնավորապես, նյարդաբանության դոցենտ, Յելի համապարփակ էպիլեպսիայի կենտրոնի տնօրեն Ալին Հերլոփյանը (ԱՄՆ), Հարավային Կալիֆորնիայի համալսարանի Կեքի հիվանդանոցի էլեկտրաէնցեֆալոգրաֆիայի տեխնիկ Գառնիկ Աբաջյանը (ԱՄՆ), նյարդաբանության դոցենտ, Կալիֆորնիայի Իրվայն համալսարանի էպիլեպիայի եւ կլինիկական նեյրոֆիզիոլոգիայի բաժնի ղեկավար, ներվիրահատական նեյրոմոնիտորինգի ծրագրի եւ նյարդաբանության օրդինատուրայի ղեկավար Լիլիթ Մնացականյանը (ԱՄՆ) եւ նյարդաբանության դոցենտ, Վեյն Կորնել քոլեջի կլինիկական նյարդաբանության բաժնի աշխատակից Գայանե Մելիքյանը (Քաթար): Դասընթացը բացել եւ ամփոփել են «Արաբկիր» բժշկական համալիրի նյարդաբանության եւ էպիլեպտոլոգիայի ծառայության ղեկավար, ԱՆ ԱԱԻ նյարդաբանության դեցենտ Բիայնա Սուխուդյանն ու ԱՆ ԱԱԻ գիտության գծով փոխտնօրեն, նյարդաբանության եւ նյարդավիրաբուժության ամբիոնի վարիչ Սամսոն Խաչատրյանը: Եռօրյա դասընթաց տեսական եւ գործնական փուլերին մասնակցել են էլեկտրաէնցեֆաոգրաֆիայի տեխնիկներ եւ միջին բուժաշխատողներ Հայաստանի մի շարք կլինիկաներից: Նրանք կստանան ՇՄԶ 9 տեսական եւ 1 գործնական կրեդիտ:

Մեկնարկել է Մանկական բժիշկների հայկական ասոցիացիայի, Հայկական ակնաբուժության նախագծի եւ Լոս-Անջելեսի մանկական հիվանդանոցի համատեղ ջանքերով կազմակերպված Մանկաբուժության կոնֆերանսը: Համաժողովի բացմանը մասնակիցներին ողջունել են պրոֆեսոր Արա Բաբլոյանը, Մանկական բժիշկների հայկական ասոցիացիայի նախագահ, պրոֆեսոր Աշոտ Սարգսյանը, Հայկական ակնաբուժական նախածի ղեկավար Նունե Եղիազարյանը, Առողջապահության նախարարության Մոր եւ մանկան առողջության պահպանման վարչության պետ Նունե Փաշայանը եւ Լոս-Անջելեսի մանկական հիվանդանոցի պրոֆեսոր Եյալ Բեն-Այզեկը: «Արաբկիր» բժշկական համալիրի բժիշկները ակտիվորեն մասնակցում են համաժողովին` ինչպես որպես խոսնակներ եւ ունկնդիրներ, այնպես էլ` գիտական կոմիտեի անդամներ: Մանկաբուժական համաժողովի այս տարվա թիրախային լսարանում են մանկաբույժները, ընտանեկան բժիշկները, երեխաների եւ դեռահասների հոգեբույժները, վերականգնողաբանները, զարգացման մանկաբույժները, կլինիկական հոգեբանները, մանկական ինֆեկցիոնիստները, մանկական երիկամաբանները, մանկական ալերգոլոգներն ու իմունոլոգները, մանկական թոքաբանները:

«Արաբկիր» ԲՀ-ում առկա է դեղագետի թափուր աշխատատեղ` «Դեղագիտություն» մասնագիտության դիպլոմով անձանց համար: Պարտականություններ հիվանդանոցային դեղատանը ներդեղատնային պատրաստուկների պատրաստում, մանրակշռում, դեղաչափում դեղանյութերի և պատրաստուկների պահպանում և բաց թողնում դեղատան վարիչի տված այլ հանձնարարությունների կատարում Պահանջներ պատասխանատվության զգացում պարտաճանաչություն բծախնդրություն, ճշգրտություն Պայմաններ աշխատանքային գրաֆիկը` հնգօրյա, ժ. 09:00-16:45 որոշակի ժամկետով փորձաշրջան` նախնական հարցազրույցից հետո Դիմել ցանկացողները կարող են ինքնակենսագրական ուղարկել [email protected] հասցեին` վերնագրում նշելով` դեղագետ:

Հարգելի գործընկերներ, սիրով տեղեկացնում ենք, որ սեպտեմբերի 19-20-ին, ժամը 13։00-19։00-ին տեղի կունենա Մանկական բժիշկների հայկական ասոցիացիայի, Հայկական ակնաբուժության նախագծի և Լոս Անջելեսի մանկական հիվանդանոցի համատեղ ջանքերով կազմակերպված Մանկաբուժական կոնֆերանսը։   Ավանդույթ դարձած գիտաժողովը նվիրված է մանկաբուժության արդիական հարցերին, մանկական հիվանդությունների կանխարգելման, բուժման և վարման նորագույն մոտեցումներին: Կոնֆերանսին դասախոսություններով և զեկուցումներով հանդես կգան Լոս Անջելեսի մանկական հիվանդանոցի և ՀՀ ճանաչված մանկական բժիշկ-մասնագետները, նախատեսվում է հետաքրքիր կլինիկական դեպքերի ներկայացում, ինչպես նաև երեխայի զարգացման խնդիրների վերաբերյալ քննարկումներ:   Կոնֆերանսի ծրագիրը հաստատվել է ՀՀ ԱՆ կողմից, մասնակիցները 10 ՇՄԶ կրեդիտներ ստանալու հնարավորություն կունենան։   Համաժողովն անցկացվելու է հիբրիդային ձևաչափով՝ առկա (Դաբլթրի Հիլթոն Երևան հյուրանոցում) և առցանց (Zoom հարթակում): Ինչպես առկա, այնպես էլ առցանց ձևաչափով մասնակցելու համար անհրաժեշտ է նախապես գրանցվել:   Գրանցման համար այցելեք այս հղումով՝ https://us02web.zoom.us/.../WN_mj7jERWySKOqYE_hy6htcA... Ծրագիրը հասանելի է learnwithopen․org հարթակում՝ https://learnwithopen.org/.../aecp-chla-22nd.../ Լրացուցիչ տեղեկությունների համար դիմել Հայկական ակնաբուժության նախագծի գրասենյակ՝ հեռ. (+374) 10 55 90 68, էլ. փոստ՝ [email protected] :