Աշխատանքային այցով «Արաբկիր» բժշկական համալիրում էին Առողջապահական եւ աշխատանքի տեսչական մարմնի ղեկավար Սլավիկ Սարգսյանն ու տեղակալ Թագուհի Հակոբյանը:
Հյուրերին դիմավորել եւ նրանց հետ համալիրի մի քանի բաժանմունքներով շրջայց են իրականացրել բժշկական համալիրի տնօրեն Արման Բաբլոյանն ու բժշկական տնօրեն Նինա Արիկյանցը: Տեսչական մարմնի ղեկավարը շփվել է բժշկական թիմի, փոքրիկ պացիենտների եւ նրանց ծնողների հետ, լսել կարծիքներ եւ առաջարկներ:
Այցի վերջում տեղի է ունեցել խորհրդատվական քննարկում, որին մասնակցել է նաեւ համալիրի գիտական ղեկավար եւ կառավարման խորհրդի նախագահ Արա Բաբլոյանը: